Archive for the ‘Question & Answer’ Category
အစိန္တေယျဂုဏ်
Posted by blissfulparty on February 13, 2011
Posted in Question & Answer | Leave a Comment »
ဗုဒ္ဓဘာသာနိုင်ငံတွေ ဘာကြောင့်ဆင်းရဲနေတာလဲ
Posted by blissfulparty on March 11, 2010
ပူစူး အင်္ဂလန် – ဘုန်ဘုန်း.. တပည့်တော်မ သိချင်တာလေး တစ်ခုလျှောက်ထားခွင့်ပြုပါ၊ ဗုဒ္ဓရဲ့ တရားတော်တွေက သန့်စင်မွန်မြတ်ပါလျှက် ဘာဖြစ်လို့ ဗုဒ္ဓဘာသာဝင်နိုင်ငံတွေ ဆင်းရဲနေရတာလဲ၊ လိုအပ်တဲ့နေရာတွေမှာ မပေးလှူဘဲ အရမ်းကြီးမလိုအပ်တဲ့ စေတီ ဘုရားကျောင်းကန်တွေမှာ လှူနေလို့ ဆင်းရဲနေတာလား၊ တပည့်တော်မ စိတ်ထဲမရှင်းလို့ ဖြေကြားပေးပါ ဘုရား။
အီးမေးလ်နဲ့ မေးထားတဲ့ မေးခွန်းပါ၊ ဒီလိုမေးခွန်းမျိုး မကြာခဏအမေးခံခဲ့ရဖူးတယ်၊ ဘာသာရေးကို အလေးအနက်ထားသူများကြားမှာလဲ ဒီမေးခွန်းက စိတ်ဝင်စားစရာ ဖြစ်နေခဲ့တယ်။ မေးခွန်းရှင်ရဲ့ မေးခွန်းကို အပိုင်း ၂ ပိုင်းခွဲပြီး ဖြေကြရအောင်၊ ပထမ အပိုင်းက ဘုရားရှင်ဟောကြားတဲ့ တရားတွေ သန့်စင်မွန်မြတ်ပါလျှက် ဘာဖြစ်လို့ ဗုဒ္ဓဘာသာဝင်တွေ ဆင်းရဲနေရတာလဲ ဆိုတာပါ။
တကမ္ဘာလုံးကို ခြုံပြီးကြည့်မယ်ဆိုရင် ဗုဒ္ဓဘာသာဝင်နိုင်ငံတွေသာ ဆင်းရဲတာ မဟုတ်ဘဲ ၊ ခရစ်ယာန်နိုင်ငံများ အစ္စလာမ်ဘာသာဝင်နိုင်ငံများ ၊ ဟိန္ဒူဘာသာဝင်နိုင်ငံများလည်း ဆင်းရဲနေကြတာကို တွေ့မြင်နိုင်တယ်၊
တကယ်ဆိုရင် တိုင်းပြည်တစ်ခုရဲ့ ဖွံ့ဖြိုးမှု နောက်ကျခြင်း ဆင်းရဲမွဲတေခြင်းဟာ ဘာသာရေးကြောင့် မဟုတ်ဘဲ အဲဒီတိုင်းပြည်ရဲ့ နိုင်ငံရေး စီးပွားရေး
လှုမှုရေးတွေကြောင့် ဖြစ်တယ်ဆိုတာ နားလည်နိုင်ပါတယ်။ နိုင်ငံရေး စီးပွားရေးစနစ်ကောင်းနေတဲ့ ဂျပန် ကိုရီးယား တရုတ်ုဒ္ဓဘာသာဝင်နိုင်ငံတွေ
တိုးတက်နေတာကိုလဲ သတိထားကြည့်နိုင်တယ်။
တကယ်တော့ ဘာသာရေးဆိုတာ အိမ်ပေါ်မှာတင်ထားတဲ့ ပစ္စည်းလိုပါပဲ၊ အိမ်တစ်လုံးဟာ အမိုးကလဲကောင်း အကာလဲကောင်း ခိုင်ခိုင်ခန့်ခန့် ရှိနေမယ်ဆိုရင် အိမ်ပေါ်မှာ တင်ထားတဲ့ ပစ္စည်းဟာ အရောင်ထွက်နေပါလိမ့်မယ်၊ အမိုးအကာမဲ့ပြီး ယိုင်နဲ့ ချည့်နဲ့နေတဲ့ အိမ်ပေါ်မှာ တင်ထားတဲ့ ပစ္စည်းဟာ မိုးဒဏ် လေဒဏ်ကြောင့် အရောင်ညှိုးမှိန် ရမှာ အမှန်ပါ။ နိုင်ငံရေး စနစ် စီးပွားရေးစနစ် လှုမှုရေးစနစ် အစစ အရာရာ နိမ့်ကျ(အရည်အသွေးမမှီ)တဲ့ နိုင်ငံမှာရှိနေတဲ့ ဘာသာရေးကလဲ အများလေးစားစရာ ဖြစ်ချင်မှ ဖြစ်ပါလိမ့်မယ်၊
တစ်ခုတော့ ပြောစရာရှိပါတယ်၊ စိတ်ပိုင်းဆိုင်ရာ တိုးတက်မှုကို တန်ဖိုးထားရှာဖွေနေကြသူများကတော့ မွန်မြတ်တဲ့တရား ဘယ်နေရာမှာရှိရှိ ဘယ်နိုင်ငံမှာရှိရှိ တန်ဖိုးထားကြမှာပါ၊ ရုပ်ပိုင်းဆိုင်ရာ တိုးတက်မှု တစ်ခုတည်းကို ကြည့်မယ်ဆိုရင်တော့ ဗုဒ္ဓဘာသာကြောင့်ပဲ တိုးပြည်ဆင်းရဲနေရသလို မြင်ပါလိမ့်မယ်၊
လိုရင်းပြောရရင်တော့ ဗုဒ္ဓဘာသာကြောင့် ဗုဒ္ဓဘာသာဝင်တိုင်းပြည်တွေဆင်းရဲ နေရတာမဟုတ်ဘဲ အိမ်မကောင်းလို့ အိမ်ထဲက ပစ္စည်းများ အရောင်မှိန်နေခြင်းသာဖြစ်ပါတယ်လို့ ဖြေကြားပါရစေ။
ပူစူးရဲ့ မေးခွန်း အပိုင်းနှစ်က လိုအပ်တဲ့နေရာတွေမှာ မလှူဘဲ အရမ်းမလိုအပ်တဲ့ စေတီ ဘုရားကျောင်းကန်တွေမှာ လှူနေလို့တိုင်းပြည်ဆင်းရဲနေရတာလား ဆိုတာပါ၊ ဒီနေရာမှာ အမြင်တွေ အမျိုးမျိုး ကွဲနိုင်ပါတယ်၊
အနော်ရထားမင်းကြီး ကျန်စစ်သားမင်းကြီးတို့လက်ထက်က တည်ထားခဲ့တဲ့ စေတီတွေ အများကြီးပါ၊ ဒီလို စေတီတွေ အများကြီးတည်ခဲ့လို့ တိုင်းပြည်မွဲတာလို့ တချို့က မြင်တယ်။ အေဒီ ၇ ရာစု ၈ ရာစု ၀န်းကျင်က တည်ထားခဲ့တဲ့ ဒီစေတီတွေရဲ့ အနုပညာလက်ရာတွေ။ မြစေတီလို ဘာသာ သုံးမျိုးနဲ့ရေးစိုက်ခဲ့တဲ့ ကျောက်စာတွေဟာ အဲဒီခေတ်ကို ကိုယ်စားပြုခဲ့တာတွေပါ၊
ပုဂံခေတ်ရဲ့ ပညာရေးအဆင့်အတန်း အနုပညာအဆင့်အတန်းနဲ့ မြန်မာတို့ရဲ့ တိုးတက်မှုကို ဖော်ကျူးပြခဲ့တာပါ၊ တကယ်လို့သာ အဲဒီစေတီတွေ အများကြီးမတည်ဖြစ်ခဲ့ရင် ဒီနေ့ခေတ်မှာ ပုဂံဆိုတာကို ကမ္ဘာက သိမှာမဟုတ်ဘူး၊ဒီလိုဆိုတော့ သမိုင်းတန်ဖိုးအရ ကြည့်ရင် လူသားတို့ရဲ့ ယုံကြည်မှုအရကြည့်ရင် တကယ့်ကို လုပ်သင့်တဲ့အလုပ်ကို လုပ်ခဲ့တာဖြစ်လို့ တိုင်းပြည်ဆင်းရဲခြင်း ချမ်းသာခြင်းဟာ ဘုရားစေတီတွေကို
လှူခြင်း မလှူခြင်းနဲ့တော့ အများကြီး မသက်ဆိုင်ပါဘူး၊ ဘကြီးတော်မင်းတရား လက်ထက်က ပုထိုးတော်ကြီး၊ မင်းကွန်းခေါင်းလောင်းကြီး စတာတွေ မဆောက်ဖြစ်ခဲ့ရင် မလုပ်ဖြစ်ခဲ့ရင် မင်းကွန်းဆိုတဲ့ ရွာသိမ် ရွာငယ်လေးကို ကမ္ဘာက သိမှာမဟုတ်ဘူး။ လူသားဆိုတာ ကိုယ်ကျေနပ်မှုရအောင် စိတ်ချမ်းသာအောင်အမြဲ လုပ်ဆောင်လေ့ရှိတဲ့ သတ္တ၀ါမျိုးပါ၊
ဘုရား စေတီတွေ တည်ဆောက်ခြင်းဖြင့် ရလာတဲ့ စိတ်ချမ်းသာမှုမျိုးကို တန်ဖိုးထားကြတယ်၊ ဘယ်လိုပဲဖြစ်ဖြစ် ဘုရား စေတီတည်တာကြောင့် ချမ်းသာ ဆင်းရဲဖြစ်ရတာ မဟုတ်ဘူး၊ လူတိုင်းလဲ ဘုရား စေတီတည်နေကြတာ မဟုတ်သလို လူတိုင်းလဲ ပရဟိတ ခေါင်းပါးနေတာ မဟုတ်လို့ပါပဲ။ ဟန်ချက်ညီတဲ့ လုပ်ဆောင်မှုတွေ ဖန်တီးနိုင်မယ်ဆိုရင်တော့ အကောင်းဆုံးပါ။
အင်္ဂလန်က ပူစူးကျေနပ်မည်ဟု မျှော်လင့်ပါသည်၊ နားလည် တတ်ကျွမ်းသည့် အခြားအခြား ဆရာတော်များကိုလဲ မေးမြန်းသင့်ပါ၏။
http://www.dhammaflavour.net/မှကူးယူဖော်ပြပါသည်။
Posted in Question & Answer | Leave a Comment »
မိဘများ သုဂတိရောက်နိုင်အောင် ဘယ်လိုလုပ်မလဲ
Posted by blissfulparty on March 11, 2010
အမေး။ ။ဘုန်းဘုန်းဘုရား…..သားသမီးက တော်ရင် ထက်မြက်ရင် လိမ္မာရင် မိဘများမှာက သုဂတိဘုံ ရောက်တယ် ဆိုတာ လက်ခံနိုင်ပါသလားဘုရား။ ဖြေကြားပေးစေလိုပါတယ်ဘုရား။
အဖြေ။ ။ သားသမီးများ တော်တယ်ထက်တယ်ဆိုတာ ဘာလဲ။ စီးပွားရေးမှာ တော်ထက်တာကိုပြောတာလား။ စီးပွားရေးမှာ တော်ထက်ရုံမျှနဲ့ သားသမီးချမ်းသာပြီး သူဌေးဖြစ်ရုံမျှနဲ့ မိဘတွေကို သုဂတိဘုံရောက်အောင် အထောက်အပံ့ မပေးနိုင်ပါ။ ဒါပေမဲ့ တစ်ချို့တော်ထက်တဲ့ အကျင့်သီလပြည့်စုံတဲ့ သားသမီးတွေကြောင့် သုဂတိဘုံရောက်ကြရတဲ့ မိဘများလည်း ရှိပါသေးတယ်။
ဘုရားရှင်ဟောကြားထားတဲ့အတိုင်း သားသမီးများက မိဘများကို ကျေးဇူးတကယ်ဆပ်ချင်တယ်ဆိုရင် မိကိုလက်ျာ ဖကိုလက်ဝဲ ပုခုံးပေါ်ထမ်းပြီး နှစ်ပေါင်းတစ်ရာကြာအောင် ပြုစုလုပ်ကျွေးပါသော်လည်း ကျေးဇူးဆပ်တယ်လို့ မခေါ်ပါဘူး။
“အသက်ထင်ရှားရှိစဉ် ဒါနကုသိုလ်နဲ့တဲ့ မိဘများကို ဒါနကုသိုလ်ပြုတတ်အောင် ပြုနိုင်အောင် ဖန်တီးပေး စွမ်းဆောင်ပေးမယ်။
သီလမရှိတဲ့ မိဘများကို သီလစောင့်ထိန်းချင်စိတ် ရှိလာအောင်၊ သီလစောင့်ထိန်းနိုင်အောင် စွမ်းဆောင်ပေးမယ်။
ဘာဝနာတရားမပွားသေးတဲ့ မိဘများအား ဘာဝနာပွားချင်စိတ်ဖြစ်လာအောင် ပွားများနိုင်အောင် ဖန်တီးပေးမယ် စွမ်းဆောင်ပေးမယ်ဆိုရင်၊ မိဘများကို ကျေးဇူးဆပ်ရာရောက်တယိ” လို့ ဘုရားရှင်ဟောကြားထားပါတယ်။
ဘုရားရှင် ညွန်ကြားသလို ဒါန၊ သီလ၊ ဘာဝနာ မရှိတဲ့ မိဘများအား ဒါန၊သီလ၊ ဘာဝနာတရားများ အားထုတ်ချင်စိတ်ပေါ်လာပြီး တကယ်လည်း ဒါန သီလ ဘာဝနာတရားများနဲ့ အချိန်ကုန်ကာ သေလွန်သွားမယ်ဆိုပါရင် မိဘများဟာ သုဂတိဘုံသို့ ရောက်နိုင်ပါတယ်။ ဒါဟာ တော်တဲ့ထက်တဲ့ သားသမီးများ လို့ ခေါ်နိုင်ပါတယ်။
သာမာန် စည်းစိမ်ချမ်းသာများ သဘောရှိသုံးဆောင်စေပြီး လိုလေသေးမရှိ ပြုစုရုံမျှနဲ့တော့ မိဘများ သုဂတိဘုံသို့ မရောက်နိုင်ပါ။ တော်တဲ့ထက်တဲ့ သားသမီးများလည်း ဖြစ်မလာနိုင်ပါ။ ကြုံတုန်းပြောပါအုံးမယ်…….သားသမီးများ တော်တယ်ထက်တယ်ဆိုလို့…
လောကမှာ သားသမီး သုံး မျိုး ရှိပါတယ်။ (၁)အတိဇာတ၊ (၂) အနုဇာတ၊ (၃)အ၀ဇာတ တို့ဖြစ်ကြပါတယ်။ မိဘများထက် သီလ၊ သမာဓိ၊ပညာ ပိုလွန်တဲ့ သားသမီးများကို “အတိဇာတ” လို့ခေါ်တယ်။ မိဘနဲ့ သီလ၊သမာဓိ၊ပညာ တန်းတူရှိတဲ့ သားသမီးများကို “အနုဇာတ” လို့ ခေါ်တယ်။ မိဘများထက် သီလ၊ သမာဓိ၊ ပညာ ယုတ်ညံ့တဲ့သူကိုတော့ “ အ၀ဇာတ” လို့ ခေါ်ပါတယ်။ ကိုယ်ဟာ ဘယ်အမျိုးအစားအထဲမှာ ပါ တယ်ဆိုတာ ခွဲခြားသိဖို့ပါ။
သားသမီးတော်ထက်တဲ့အတွက် ဖခင်ကြီး သုဂတိဘုံရောက်သွာရတဲ့အကြောင်းကို သဂြိုလ်ဘာသာဋီကာမှာ ဖတ်ရတဲ့အတိုင်း ဖေါ်ပြ ပေးလိုက်ပါတယ်။
တစ်ခါက သောဏဂိရိ ခေါ်တဲ့ တောင်ပေါ်ကျောင်း တစ်ကျောင်းမှာ ရဟန်းတောတစ်ပါး သီတင်းသုံးတော်မူပါတယ်။ သူ့အမည်က အရှင်သောဏ၊ အာသဝေါကင်းကွာ ရဟန္တာတစ်ပါးဖြစ်တော်မူပါတယ်။ သူ့မှာ ဖခင်အိုကြီး ရဟန်းတစ်ပါးလည်း ရှိပါတယ်။ ဖခင် ရဟန်းကြီးဟာ လူ့ဘ၀တုန်းက မိသားစုအတွက် မုဆိုးအလုပ်နဲ့ အချိန်ကုန်ခဲ့ပါတယ်။ အသက်ကြီးလို့ သာသနာ့ဘောင်ဝင်ပြီး သားတော်ရဟန်းထံမှာ ရဟန်းပြု ပြီးနေပါတယ်။
ဖခင်ရဟန်းကြီး သေခါနီးအချိန်ရောက်တဲ့အခါ တောင်ခြေက ခွေးနက်ကြီးတွေ လာကိုက်နေသယောင် နိမိတ်ထင်နေတဲ့အတွက် “ ဟဲ့..ချောက်ထုတ်ပါသားရဲ့” ဆိုပြီး ဆက်ကာ ဆက်ကာ အော်ဟစ်နေပါတယ်။ ဒီအသံကို သားရဟန်းကြားတော့ “ ဘာဖြစ်တာလဲ ဦးဇင်းကြီး” မေးတော့ “ခွေးကြီးတွေ……ခွေးကြီးတွေ” လို့ ဖခင်ရဟန်းကြီးက ပြန်ပြောပြပါတယ်။ “’ဒါဟာငရဲနိမိတ်တွေပဲ၊ ဒီအတိုင်းသေသွားလို့ကတော့ ငရဲရောက်မှာ သေချာနေပီ၊ ငါလို သားတစ်ယောက်လုံး ရှိနေပါလျှက်နဲ့ ဖခင်ရဟန်းကြီး ဘာ့ကြောင့် ငရဲကျရမှာလဲ” လို့ တွေးကာ ကိုရင်လေးတွေကို ပန်းခူးခိုင်းပြီး စေတီရင်ပြင်တော်မှာ ပန်းမွေ့ရာခင်းစေတော်မူပါတယ်။
ဖခင်ရဟန်းကြီးကိုတော့ ညောင်စောင်းနဲ့အတူ စေတီရင်ပြင်အရှေ့ကို ချထားစေပါတယ်။ အဲဒီအခါ သားရဟန်းက “ ဦးပဇင်းကြီးအတွက် ပန်းပူဇော်ပေးထားပါတယ်၊ ကြည်ညိုပါ” လို့ တိုက်တွန်းလိုက်ပီးတဲ့နောက်ပိုင်း ဖခင်ရဟန်းကြီးဟာ ကြည်ညိုဝမ်းမြောက်ဆဲ ခဏမှာ ခွေးနက်ကြီးတွေ မထင်တော့ဘဲ နတ်သမီးတွေ ထင်လာပါတယ်။ ဒီမှာ ဖခင်ရဟန်းကြီး ပြောလိုက်တာက….
“ဟဲ့….သား ဖယ်ပေးပါ………ဖယ်ပေးပါ….သားရဲ့ မိထွေးတွေ လာနေတယ်” လို့ ယောင်ယမ်းပြောဆိုနေစဉ် စုတိစိတ်ကျပြီး သေဆုံး သွားပါတယ်၊ သေလွန်တဲ့အခါ နတ်ပြည်သို့ ရောက်ရပါတယ်။ ဒါဟာ အတိဇာတ လို့ဆိုတဲ့ သားရဟန်းရဲ့ တော်မှုထက်မှုကြောင့် ဖခင်ရဟန်းကြီး ငရဲကျမဲ့ဆဲဆဲက သီသီလေးလွတ်ကာ နတ်ပြည်သို့ ရောက်ခဲ့ရတဲ့ သာဓကတစ်ခုပါ။ ဒါလောက်ဆိုရင် မေးသူရော စာဖတ်နေသူများပါ သဘောပေါက်လောက်ပီထင်ပါရဲ့……….။
စာရေးသူ- ဦးကောဝိဒ(မြိတ်)
Posted in Question & Answer | Leave a Comment »
Blissful Party 